Planeta Anano: Planeta do sistema solar que ten gravidade, aínda que moi pouca masa, e que non deixou a súa órbita completamente libre doutros corpos menores.
Satélite: Todo corpo, artificial ou natural, que vira ao redor doutro maior, atrapado pola súa atracción gravitatoria.
Asteroide: Os asteroides son corpos menores do Sistema Solar, maioritariamente compostos de silicatos e metais.
Cometa: Os cometas,son corpos menores, compostos de xeo e silicatos. Trátase basicamente de grandes «bólas de xeo sucio». As súas órbitas, normalmente moi alongadas, lévanos a pasar a maior parte do tempo moi afastados do Sol, en rexións frías do Sistema Solar. Pero cando se achegan ao astro rei, quéntanse e o xeo (principalmente de auga) se sublima, é dicir, pasa de estado sólido a gaseoso. Este gas, que escapa do núcleo sólido do cometa, arrastra consigo partículas de po e forma unhas extensas nubes ao redor do cometa chamadas cabeleira (ou coma). Os materiais que forman a cabeleira son arrastrados en sentido oposto ao Sol polo vento Solar e dan lugar ás colas cometarias
Meteorito: Denomínase así a toda partícula extraterrestre, ou meteoroide, que penetra na atmosfera terrestre e logra sobrevivir á fricción e chegar ata o chan. A ese fragmento de roca proveniente do espazo chamarémolo meteorito.
Órbita: Traxectoria que describe un corpo ao redor doutro, baixo o influxo da forza gravitatoria. As órbitas poden ser circulares, elípticas, parabólicas ou hiperbólicas. No caso dos sistemas planetarios, como o Sistema Solar, os planetas viran en órbitas elípticas ao redor da estrela central, que no noso caso é o Sol.
Comentarios
Publicar un comentario