Na unidades 2 imos a estudar a Terra en profundidade. Un dos máis destacados científicos neste campo foi Alfred Wegener quen contribuiu de xeito salientable a coñecer a dinámica do que moito máis tarde se chamarían placas.
1. Que descubriu Wegener? O meteorólogo alemán foi o primeiro en reunir datos procedentes de diferentes disciplinas científicas para argumentar unha teoría de deriva continental, por entón moi controvertida.
2. Que probas aportou para xustificar a súa teoría?
Probas xeográficas: Wegener observou que os continentes, como África e Sudamérica, poderían estar unidos no pasado, xa que as formas das súas costas parecen encaixar. Se os continentes formaron parte de Pangea, é lóxico que encaixen os seus fragmentos. A coincidencia é maior se en lugar das costas, tratamos de facer coincidir as plataformas continentais.
Probas xeolóxicas:Wegener observou que algunhas formacións xeolóxicas continuaban a ambos os dous lados do Atlántico. Tiñan a mesma idade e tipos de rocas, polo que cría que estarían unidas. Por exemplo, a existencia de diamantes en Brasil e Sudáfrica.
Probas paleontolóxicas: Wegener descubriu que, en continentes que actualmente se atopan separados, atopábanse fósiles das mesmas especies. Mesmo algúns deles eran terrestres como réptiles e plantas, polo que non era posible que puidesen cruzar o océano. Esta é outra proba máis de que os continentes estiveron unidos en Panxea fai millóns de anos.
Probas paleoclimáticas: Wegener utilizou algunhas utilizou algunhas rocas sedimentarias como indicadores dos climas nos que se orixinan, como tillitas en clima glacial, xeso e halita en clima árido, ou carbón en clima tropical. Debuxou un mapa cos climas antigos e observou que non se poderían dar nos continentes nas posicións actuais.
Probas geomagnéticas: Cando cristaliza un mineral magnético, queda orientado sinalando o polo norte, igual que o fai a agulla dun compás. Os minerais magnéticos que compoñen rocas da mesma idade, deberían sinalar o polo norte pero indican direccións distintas, polo que parece evidente que se desprazaron. Se trasladamos os continentes á súa posición orixinal, estes minerais apuntarían cara a un único polo.
3. Como morreu Wegener?
Alfred Wegener morreu durante a súa cuarta viaxe a Groenlandia, sen saber que a súa teoría ía revolucionar para sempre a compresión da Terra. Un día despois de cumprir 50 anos, sorprendeulle un ataque ao corazón mentres transportaba víveres para os seus colegas nunha dificilísima misión entre os dous campamentos en que quedara dividida a súa expedición.
Comentarios
Publicar un comentario