Nas anteriores entradas comentamos algúns aspectos básicos do ADN e da información xenética. En todas as células do corpo (excepto nas sexuais) e contido nos seus núcleos está a toda a información xenética dese organismo. Pero, nun organismo pluricelular hai moitos tipos de células con características propias. Como se poden formar estas células?
Na páxina recursos está o vídeo titulado células nai (3:42) Logo de miralo facede unha entrada contestando:- Como se chama a técnica empregada? É unha técica basada na rexeneración dos tecidos.
- Que quere dicir que "os espermatozoide e os óvulos son células especializadas"?
- Que son os cromosomas? Orgánulo en forma de filamento que se acha no interior do núcleo dunha célula eucariota e que contén o material xenético; o número de cromosomas é constante para as células dunha mesma especie.
- E un blastocisto? Un blastocisto é un embrión cultivado en laboratorio ata os días 5 ó 6 de desenvolvemento. Ten unha estrutura celular complexa formada por aproximadamente 200 células. Cando un embrión chega a desenvolverse ata blastocisto está no grao óptimo para ser implantado no útero materno.
- Por que son tan importantes as células nai? As células nai producen glóbulos vermellos, glóbulos brancos e plaquetas. Necesitamos todos estes tipos de células sanguíneas para manternos vivos. Para que estas células sanguíneas cumpran a súa función, necesitamos ter no sangue a cantidade suficiente delas.
- Que grave problema médico poden resolver estas células?Os transplantes de células nai utilízanse para substituír as células da medula ósea que foron destruídas polo cancro ou pola quimioterapia e/ou a radiación que se usa para tratar o cancro. As persoas que poderían beneficiarse das terapias con células nai inclúen aquelas con lesións da medula espinal, diabetes tipo 1, enfermidade de Parkinson, esclerose lateral amiotrófica, enfermidade de Alzheimer, enfermidade cardíaca, accidente cerebrovascular, queimaduras, cancro e osteoartritis.
Comentarios
Publicar un comentario